[1] عَادِيَاتٌ، عَادِيَةٌ کی جمع ہے۔ یہ عَدُوٌّ سے ہے جیسے غَزْوٌ ہے۔ غَازِيَاتٌ کی طرح اس کے واو کو بھی یا سے بدل دیاگیا ہے۔ تیز رو گھوڑے۔ ضَبْحٌ کے معنی بعض کے نزدیک ہانپنا اور بعض کے نزدیک ہنہنانا ہے۔ مراد وہ گھوڑے ہیں جو ہانپتے یا ہنہناتے ہوئےجہاد میں تیزی سے دشمن کی طرف دوڑتے ہیں
[1] مُورِيَاتٌ، إِيرَاءُ سے ہے۔ آگ نکالنے والے۔ قَدْحٌ کے معنی ہیں۔ صَكٌّ چلنے میں گھٹنوں یا ایڑیوں کا ٹکرانا، یا ٹاپ مارنا۔ اسی سے قَدْحٌ بِالزِّنَادِ ہے۔ چقماق سے آگ نکالنا۔ یعنی ان گھوڑوں کی قسم جن کی رگڑ سے پتھروں سے آگ نکلتی ہے، جیسے چقماق سے نکلتی ہے۔
[1] مُغِيرَاتٌ، أَغَارَ يُغِيرُ سے ہے، شب خون مارنے یا دھاوا بولنے والے۔ صُبْحًا صبح کے وقت، عرب میں عام طور پر حملہ اسی وقت کیا جاتا تھا، شب خون تو وہ مارتے ہیں جو فوجی گھوڑوں پر سوار ہوتے ہیں، لیکن اس کی نسبت گھوڑوں کی طرف اس لئے کی ہے کہ دھاوا بولنے میں فوجیوں کے یہ بہت زیادہ کام آتے ہیں۔
[1] فَوَسَطْنَ، درمیان میں گھس جاتے ہیں۔ اس وقت، یا حالت گرد وغبار میں۔ جَمْعًا دشمن کے لشکر۔ مطلب ہے کہ اس وقت، یا جب کہ فضا گرد وغبار سے اٹی ہوئی ہے، یہ گھوڑے دشمن کے لشکروں میں گھس جاتے ہیں اور گھمسان کی جنگ کرتے ہیں۔
[1] یعنی انسان خود بھی اپنی ناشکری کی گواہی دیتا ہے۔ بعض لَشَهِيدٌ کافاعل اللہ کو قرار دیتے ہیں۔ لیکن امام شوکانی نے پہلے مفہوم کو راجح قرار دیا ہے، کیوں کہ مابعد کی آیات میں ضمیر کا مرجع انسان ہی ہے۔ اس لئے یہاں بھی انسان ہی ہونا زیادہ صحیح ہے۔
[1] خَيْرٌ سے مراد مال ہے، جیسے «إِنْ تَرَكَ خَيْرًا الْوَصِيَّةُ» (البقرة :180 ) میں ہے معنی واضح ہیں۔ ایک دوسرا مفہوم یہ ہے کہ نہایت حریص اور بخیل ہے جو مال کی شدید محبت کا لازمی نتیجہ ہے۔
بیشک ان کا رب اس دن ان کے حال سے پورا باخبر ہوگا.[1]
حواشی
[1] یعنی جو رب ان کو قبروں سے نکال لے گا، ان کے سینوں کے رازوں کو ظاہرکردے گا، اس کے متعلق ہر شخص جان سکتا ہے کہ وہ کتنا باخبر ہے؟ اور اس سے کوئی چیز مخفی نہیں رہ سکتی۔ چنانچہ پھر وہ ہر ایک کو اس کے عملوں کے مطابق اچھی یا بری جزا دے گا۔ یہ گویا ان اشخاص کو تنبیہ ہےجو رب کی نعمتیں تو استعمال کرتے ہیں، لیکن اس کا شکر ادا کرنےکے بجائے، اس کی ناشکری کرتے ہیں۔ اسی طرح مال کی محبت میں گرفتار ہو کر مال کے وہ حقوق ادا نہیں کرتے جو اللہ نے اس میں دوسرے لوگوں کے رکھے ہیں۔
آن لائن قرآن پڑھنے سے متعلق سوالات
سورۃ العاديات مکی ہے یا مدنی؟
اس ریڈر کے ڈیٹا (Tanzil) میں سورۃ العاديات کو مکی شمار کیا گیا ہے۔
سورۃ العاديات سے پہلے اور بعد میں کون سی سورتیں ہیں؟
یہ الزلزلة کے بعد اور القارعة سے پہلے آتی ہے۔
کیا میں سورۃ العاديات اپنی زبان میں پڑھ سکتا ہوں؟
جی ہاں۔ متن کے اوپر 81 زبانوں کے 130 ترجموں میں سے کوئی چنیں، یا صرف عربی متن پڑھیں۔
کیا میں سورۃ العاديات سن سکتا ہوں؟
جی ہاں۔ آیت بہ آیت سننے کے لیے «سورت سنیں» دبائیں، یا کسی آیت کے ساتھ پلے کا بٹن۔ 50 قاریوں میں سے کسی ایک کو چنیں؛ ریکارڈنگ EveryAyah.com سے صرف پلے دبانے پر چلتی ہے۔
عربی متن: Tanzil Project (tanzil.net), بلا کسی تبدیلی کے۔
ترجمہ: Muhammad Junagarhi (QuranEnc.com, version 1.1.3), بلا کسی تبدیلی کے۔
ڈیٹا: quran-json (CC BY-SA 4.0).
تلاوتیں: EveryAyah.com (صرف اس وقت چلتی ہیں جب آپ پلے دباتے ہیں)۔
ماخذ اور لائسنس
Awqatly کو بہتر بنانے میں ہماری مدد کریں
کیا ہم Google Analytics کوکیز سے آپ کا وزٹ گن سکتے ہیں؟ اس سے ہمیں پتا چلتا ہے کہ کون سے شہر اور فیچر استعمال ہوتے ہیں، تاکہ ہم آپ کے علاقے کے نماز کے اوقات بہتر بنا سکیں۔ کوئی اشتہار نہیں، کوئی ڈیٹا فروخت نہیں، اور ہر صفحہ دونوں صورتوں میں ایک جیسا کام کرتا ہے۔ رازداری کی پالیسی