ابولہب کے دونوں ہاتھ ٹوٹ گئے اور وه (خود) ہلاک ہو گیا.[1]
حواشی
[1] يَدَا، يَدٌ( ہاتھ ) کا تثنیہ ہے، مراد اس سے اس کا نفس ہے، جزبول کر کل مراد لیا گیا ہے یعنی ہلاک وبرباد ہوجائے۔ یہ بددعا ان الفاظ کے جواب میں ہے جو اس نے نبی (صلى الله عليه وسلم) کے متعلق غصے اور عداوت میں بولے تھے۔ وَتَبَّ ( اور وہ ہلاک ہوگیا ) یہ خبر ہے یعنی بد دعا کے ساتھ ہی اللہ نے اس کی ہلاکت اور بربادی کی خبر بھی دے دی۔ چنانچہ جنگ بدر کے چند روز بعد یہ عدسیہ بیماری میں مبتلا ہوا، جس میں طاعون کی طرح گلٹی سی نکلتی ہے، اسی میں اس کی موت واقع ہوگئی۔ تین دن تک اس کی لاش یوں ہی پڑی رہی، حتیٰ کہ سخت بدبو دار ہوگئی۔ بالآخر اس کے لڑکوں نے بیماری کے پھیلنے اور عار کے خوف سے، اس کے جسم پر دور سے ہی پتھر اور مٹی ڈال کر اسے دفنا دیا۔ ( ایسر التفاسیر ) ۔
اور اس کی بیوی بھی (جائے گی،) جو لکڑیاں ڈھونے والی ہے.[1]
حواشی
[1] یعنی جہنم میں یہ اپنے خاوند کی آگ پر لکڑیاں لا لاکر ڈالے گی، تاکہ آگ مزید بھڑکے۔ یہ اللہ کی طرف سے ہوگا، یعنی جس طرح یہ دنیا میں اپنے خاوند کی، اس کے کفر وعناد میں، مددگار تھی، آخرت میں بھی عذاب میں اس کی مدد گار ہوگی۔ ( ابن کثیر ) بعض کہتے ہیں کہ وہ کانٹے دار جھاڑیاں ڈھو ڈھو کر لاتی اور نبی (صلى الله عليه وسلم) کے راستے میں لاکر بچھا دیتی تھی۔ اور بعض کہتے ہیں کہ یہ اس کی چغل خوری کی عادت کی طرف اشارہ ہے۔ چغل خوری کے لئے یہ عربی محاورہ ہے۔ یہ کفار قریش کے پاس جاکر نبی (صلى الله عليه وسلم) کی غیبت کرتی اور انہیں آپ (صلى الله عليه وسلم) کی عداوت پر اکساتی تھی۔ ( فتح الباري)
اس کی گردن میں پوست کھجور کی بٹی ہوئی رسی ہوگی.[1]
حواشی
[1] جِيدٌ گردن۔ مَسَدٌ، مضبوط بٹی ہوئی رسی۔ وہ مونج کی یا کھجور کی پوست کی ہو یا آہنی تاروں کی۔ جیسا کہ مختلف لوگوں نے اس کا ترجمہ کیا ہے۔ بعض نے کہا ہے کہ یہ وہ دنیا میں ڈالے رکھتی تھی جسے بیان کیا گیا ہے۔ لیکن زیادہ صحیح بات یہ معلوم ہوتی ہے کہ جہنم میں اس کے گلے میں جو طوق ہوگا، وہ آہنی تاروں سے بٹا ہوا ہوگا۔ مَسَدٌ سے تشبیہ، اس کی شدت اور مضبوطی کو واضح کرنے کے لئے دی گئی ہے۔
آن لائن قرآن پڑھنے سے متعلق سوالات
سورۃ المسد مکی ہے یا مدنی؟
اس ریڈر کے ڈیٹا (Tanzil) میں سورۃ المسد کو مکی شمار کیا گیا ہے۔
سورۃ المسد سے پہلے اور بعد میں کون سی سورتیں ہیں؟
یہ النصر کے بعد اور الإخلاص سے پہلے آتی ہے۔
کیا میں سورۃ المسد اپنی زبان میں پڑھ سکتا ہوں؟
جی ہاں۔ متن کے اوپر 81 زبانوں کے 130 ترجموں میں سے کوئی چنیں، یا صرف عربی متن پڑھیں۔
کیا میں سورۃ المسد سن سکتا ہوں؟
جی ہاں۔ آیت بہ آیت سننے کے لیے «سورت سنیں» دبائیں، یا کسی آیت کے ساتھ پلے کا بٹن۔ 50 قاریوں میں سے کسی ایک کو چنیں؛ ریکارڈنگ EveryAyah.com سے صرف پلے دبانے پر چلتی ہے۔
عربی متن: Tanzil Project (tanzil.net), بلا کسی تبدیلی کے۔
ترجمہ: Muhammad Junagarhi (QuranEnc.com, version 1.1.3), بلا کسی تبدیلی کے۔
ڈیٹا: quran-json (CC BY-SA 4.0).
تلاوتیں: EveryAyah.com (صرف اس وقت چلتی ہیں جب آپ پلے دباتے ہیں)۔
ماخذ اور لائسنس
Awqatly کو بہتر بنانے میں ہماری مدد کریں
کیا ہم Google Analytics کوکیز سے آپ کا وزٹ گن سکتے ہیں؟ اس سے ہمیں پتا چلتا ہے کہ کون سے شہر اور فیچر استعمال ہوتے ہیں، تاکہ ہم آپ کے علاقے کے نماز کے اوقات بہتر بنا سکیں۔ کوئی اشتہار نہیں، کوئی ڈیٹا فروخت نہیں، اور ہر صفحہ دونوں صورتوں میں ایک جیسا کام کرتا ہے۔ رازداری کی پالیسی