Awqatly
UR
مینو

سورۃ الضحى

11 آیات · مکی

سورۃ الضحى میں کتنی آیات ہیں؟

سورۃ الضحى قرآن مجید کی 114 سورتوں میں سے 93 نمبر کی سورت ہے اور اس میں 11 آیات ہیں۔ اسے مکی شمار کیا جاتا ہے۔

سورت کا نمبر
93 / 114
آیات
11
درجہ بندی
مکی

تازہ کاری: 29 اکتوبر، 2026. Tanzil Project (tanzil.net), quran-json.

یہ سورت کتاب میں پڑھیں ←

بِسْمِ ٱللَّهِ ٱلرَّحْمَٰنِ ٱلرَّحِيمِ

وَٱلضُّحَىٰ ١

قسم ہے چاشت کے وقت کی.[1]

حواشی

[1] چاشت ( ضُحًى) اس وقت کو کہتے ہیں، جب سورج بلند ہوتا ہے۔ یہاں مراد پورا دن ہے۔

وَٱلَّيْلِ إِذَا سَجَىٰ ٢

اور قسم ہے رات کی جب چھا جائے.[1]

حواشی

[1] سَجَى کے معنی ہیں سکن، جب ساکن ہو جائے۔ یعنی جب اندھیرا مکمل چھا جائے، کیونکہ اس وقت ہر چیز ساکن ہو جاتی ہے۔

مَا وَدَّعَكَ رَبُّكَ وَمَا قَلَىٰ ٣

نہ تو تیرے رب نے تجھے چھوڑا ہے اور نہ وه بیزار ہو گیا ہے.[1]

حواشی

[1] جیسا کہ کافر سمجھ رہے ہیں۔

وَلَلْـَٔاخِرَةُ خَيْرٌ لَّكَ مِنَ ٱلْأُولَىٰ ٤

یقیناً تیرے لئے انجام آغاز سے بہتر ہوگا.[1]

حواشی

[1] یا آخرت دنیا سے بہتر ہے۔ دونوں مفہوم معانی کے اعتبار سے صحیح ہیں۔

وَلَسَوْفَ يُعْطِيكَ رَبُّكَ فَتَرْضَىٰٓ ٥

تجھے تیرا رب بہت جلد (انعام) دے گا اور تو راضی (وخوش) ہو جائے گا.[1]

حواشی

[1] اس سے دنیا کی فتوحات اور آخرت کا اجر وثواب مراد ہے۔ اس میں وہ حق شفاعت بھی داخل ہے جو آپ (صلى الله عليه وسلم) کو اپنی امت کے گناہ گاروں کے لئے ملے گا۔

أَلَمْ يَجِدْكَ يَتِيمًا فَـَٔاوَىٰ ٦

کیا اس نے تجھے یتیم پا کر جگہ نہیں دی.[1]

حواشی

[1] یعنی باپ کے سہارے سے بھی تو محروم تھا، ہم نے تیری دست گیری اور چارہ سازی کی۔

وَوَجَدَكَ ضَآلًّا فَهَدَىٰ ٧

اور تجھے راه بھوﻻ پا کر ہدایت نہیں دی.[1]

حواشی

[1] یعنی تجھے دین شریعت اور ایمان کا پتہ نہیں تھا، ہم نے تجھے راہ یاب کیا، نبوت سے نوازا اور کتاب نازل کی، ورنہ اس سے قبل تو ہدایت کے لئے سرگرداں تھا۔

وَوَجَدَكَ عَآئِلًا فَأَغْنَىٰ ٨

اور تجھے نادار پاکر تونگر نہیں بنا دیا؟[1]

حواشی

[1] تونگر کا مطلب ہے، اپنے سوا تجھ کو ہر ایک سے بےنیاز کر دیا، پس تو فقر میں صابر اور غنا میں شاکر رہا۔ جیسے خود نبی (صلى الله عليه وسلم) کا بھی فرمان ہے کہ تونگری، ساز وسامان کی کثرت کا نام نہیں ہے، اصل تونگری دل کی تونگری ہے۔ ( صحيح مسلم، كتاب الزكاة، باب ليس الغنى عن كثرة العرض ) ۔

فَأَمَّا ٱلْيَتِيمَ فَلَا تَقْهَرْ ٩

پس یتیم پر تو بھی سختی نہ کیا کر.[1]

حواشی

[1] بلکہ اس کے ساتھ نرمی واحسان کا معاملہ کر۔

وَأَمَّا ٱلسَّآئِلَ فَلَا تَنْهَرْ ١٠

اور نہ سوال کرنے والے کو ڈانٹ ڈپٹ.[1]

حواشی

[1] یعنی اس سے سختی اور تکبر نہ کر، اور نہ درشت اور تلخ لہجہ اختیار کر۔ بلکہ جواب بھی دینا ہو تو پیار اور محبت سے دو۔

وَأَمَّا بِنِعْمَةِ رَبِّكَ فَحَدِّثْ ١١

اور اپنے رب کی نعمتوں کو بیان کرتا ره.[1]

حواشی

[1] یعنی اللہ نے تجھ پر جو احسانات کئے ہیں، مثلاً ہدایت اور رسالت ونبوت سے نوازا، یتیمی کے باوجود تیری کفالت وسرپرستی کا انتظام کیا۔ تجھے قناعت وتونگری عطا کی وغیرہ۔ انہیں جذبات تشکر وممنونیت کے ساتھ بیان کرتا رہ۔ اس سے معلوم ہوا کہ اللہ کے انعامات کا تذکرہ اور ان کا اظہار اللہ کو پسند ہے لیکن تکبر اور فخر کے طور پر نہیں بلکہ اللہ کے فضل وکرم اور اس کے احسان سے زیر بار ہوتے ہوئے اور اس کی قدرت وطاقت سے ڈرتے ہوئے کہ کہیں وہ ہمیں ان نعمتوں سے محروم نہ کر دے۔

آن لائن قرآن پڑھنے سے متعلق سوالات

سورۃ الضحى مکی ہے یا مدنی؟

اس ریڈر کے ڈیٹا (Tanzil) میں سورۃ الضحى کو مکی شمار کیا گیا ہے۔

سورۃ الضحى سے پہلے اور بعد میں کون سی سورتیں ہیں؟

یہ الليل کے بعد اور الشرح سے پہلے آتی ہے۔

کیا میں سورۃ الضحى اپنی زبان میں پڑھ سکتا ہوں؟

جی ہاں۔ متن کے اوپر 81 زبانوں کے 130 ترجموں میں سے کوئی چنیں، یا صرف عربی متن پڑھیں۔

کیا میں سورۃ الضحى سن سکتا ہوں؟

جی ہاں۔ آیت بہ آیت سننے کے لیے «سورت سنیں» دبائیں، یا کسی آیت کے ساتھ پلے کا بٹن۔ 50 قاریوں میں سے کسی ایک کو چنیں؛ ریکارڈنگ EveryAyah.com سے صرف پلے دبانے پر چلتی ہے۔

عربی متن: Tanzil Project (tanzil.net), بلا کسی تبدیلی کے۔ ترجمہ: Muhammad Junagarhi (QuranEnc.com, version 1.1.3), بلا کسی تبدیلی کے۔ ڈیٹا: quran-json (CC BY-SA 4.0). تلاوتیں: EveryAyah.com (صرف اس وقت چلتی ہیں جب آپ پلے دباتے ہیں)۔ ماخذ اور لائسنس